شوفووو الاهدائات الي تطلع في اسفل شاشة التلفزيزن

ذبحتنا هالاهداءات الماصله اللي صارت تنافس شريط الاخبار في هالقنوات
وتخلينا نتحمد ربنا على العقل ومن زين الطبايع كلها متشابهه ماغير وحشتوني
وبحبك ومن هالمنطلق حبيت اسوي لي كومة اهداءات عشان اكسر سوقهم
نشوف الاهداءات مع بعض ( صورة يد ترجع ورا )

من ابو نتف الى الغالي الحوت ترانا تحت الكبري ضابطين لنا بريق شاهي لا
يفوتك
..مع تحيات راعي الهايلكس

من ام عبدالله الى ولدها في الخيمه انتبه عن البرد والبس اثقل ماعندك ولا
تغسل مواعينهم اكرشهم بس

اهدي مقطع من مسلسل قريندايزر لعريف الفصل واقول له لك يوم ياظالم
.. تحياتي الدافور

الى ولد جيراننا واقول له رجع شريط السوني اللي خذته لا يجي علمن آخر
مع تحيات ابو شطحه

من عبدالله الى ناصر بمناسبة تسديد كومة القسايم ولا تم تعودها هماه

الى خلودي ترى جوز الحمام اللي شريته مني رجع للعشه تعال خذه تحيات اللي
باعك قبل اسبوع

باقة ورد الى صلوحي واذكره ان العشاء عليه الاسبوع الجاي ويمدحون الفول وعلى
فكره ترى الاسطوانه فاضيه

اهدي كيسة اندومي الى شغالتنا في اندونيسا واقول لها ماعاد للكبسه طعم
تحيات دودو

الى سمسم انتبه لنفسك ترى عيال الحاره ناوين يعفجونك لا تحرص على الطلعه
لين تهدا الامور
محبك راعي الددسن

مطلوب كل من يضبط الذبح والصلخ ولفّ المصيرالاتصال على ....... افزعوا تكفون
ماعندي احد يذبح تحياتي ابو كرشه منفشه

الى العربجي ابو قذله متى تكون فاضي ودي نسحب سست الهايلكس تخبر العيد قرب
مغليك ابو فلقه

اهدي مشط حجم عائلي لبو كشه واقول له حومت تسبودنا انت وهالعوشزه اللي فوق
راسك متى تحلقها .. تحيات م . ن

الى عامل مزرعتنا تراني منيب قادر اجيب لك خبز بكره مشغول حيل ياليت تدبر
عمرك

الى امي في بيتنا تراني منيب جاي للعشاء بروح اناظر السيول لا تحتروني

الى الطارة في باريس واقول له وش علوم الجلنطات في الشانزليزية وترى مافقدك
الا انا ونخل الحاره بس

حافظة عصيد من الحوت الى الجدة الغالية في نيوزيلندا واقول لها ادهني
ركيباتس بزبدتهم وتراتس وحشتينا مووووت